1. |
Chaman
04:35
|
|||
Chaman
Trescavan leis cendres dins lo ceu
Dins un darrier voladis
Rata penada Tambor de Masca
Dansa deis cieucles
Lo fum de candela a donat d’alen
Chamineias mascaran leis caras
Crachaires a nuech sarrada
Visagis negres de l’Istori
A l’escondut caragi sensa boca
Un milenari trauca la nuech
Toei se mescla conversan leis contraris
Un milenari trauca la nuech
Dansa lo chaman duerba leis portaus
Agacha cramar la peira Fòra lo sofrì
Lo fieu dau chaman se leva
Un milenari trauca la nuech
Toei se mescla, conversan leis contraris
Au dintra de telaranha luenc dau silenci
Au dintre luenc deis estellas
A perdut lo fieu millenari
Esvarat ais cauvas eternalas
Embocat dins lo vueja monde
Entre dintrar dedins ò demorar fòra
Pé sus lo quitran
|
||||
2. |
Chamatan
03:53
|
|||
Chamatan
Ieu ausi l’escarrada,
Dei bravei gens lo planhum
Ieu vesi montar lo gonfle
D’aquelei que se rebrasson
Va montar l’insurgéncia au nom de justícia
Lo toeis ensems sara mai fòrt
Recampament li siam toei
Bis : (requisiment farem)
De pan per tot lo monde
que sieguem d’aquí o d’autrei país
Despartirem leis tròç
volem plus leis briguetas que nos tòmban davant
Prendrem l’atalhier
defòra lo patron coneissem lo mestier
Farem solegerits mai envolzats
Esperam plus ren de deman
Volem viure encuei de nostrei lauradas
Recompartitge deis riquessas
Laissarem degun defòra La farem plus l’aumòrna
Vestirem lei mau vestits en aqueu plan país
L’infern lo coneissem ben
Avem trimat, n’avem plus ren de perdre
Avem patit coma un tropèu,
se siam encanhat leis uns contra leis autres
Ges de coissin de plumas, mataràs de velórs,
Un solet pelhon rotge que brutla nuech e jorn
Se d’aqueleis eissaurats obriers voletz pas aguer lo sort
Atubatz lo fuec de la revòuta faguetz bombar lo chamatan
|
||||
3. |
L'Amistat
06:32
|
|||
L’Amistat
(titre original : Lo Progrès)
Marius Revelly
Viva leis arts ! Oi, lo progrès fermenta,
fan d’invencions per espranhar lei braç.
Tanben totjorn nòstra misèria augmenta,
quand lo trabalh nos fasiá viure en patz.
Oi aujornduei manca pas de familhas
que chasque soar an ren per son sopar
l’ivèrn an freg, son tapats de guenilhas,
es lo progrès, lo progrès que va fa.
Fa pas tremblar, quand viatz dedins d’usinas
ont autreifés faliá de mila obriers
e qu’aujornduei molhenant sei machinas
un quart sufís e tot marcha parier.
Per l’inventor, per l’òme de genia,
d’ocupacions, aquí ne manca pas.
Siam aujornduei d’un siècle d’infamia,
es lo progrès, lo progrès que va fa.
Es pron verai pauretat n’es pas vici,
mai un malaür ben grand en veritat.
Quand fau pensar qu’en tot l’a d’injustícias,
l’a qu’a la mòrt que l’a egalitat.
Vouguèron segur far venir la paurilha,
que ganhèt just per posquer subsistar.
Oi meis amics se siam dessus la palha,
es lo progrès, lo progrès que va fa.
Bèla Marselha, ò pais de ressorças!
Ieu dessus tu pausi mei reflexions,
per lo trabalh ères la bona sorça,
mai aujornduei tot es en suspension.
Lei bastiments an desertat tei ribas,
tei quèis son nus, tei chantiers arrestats.
Se quauque jorn l’auba novèla arriba,
es lo progrès, alòr que v’aurà fach...
|
||||
4. |
Tarabast
04:43
|
|||
Tarabast
Me tafura au dintre aqueu monde en tarabast
Tafòri d’un trebau au dintre
Plegas endurmidas de còps que l’a s’envolcanisan
Un sorgent à la tusta barrusta, arcolan
Descolorat
D’aise camin enfre-terra
esperant lo descampagi
Lo sang raja dins mon còrs,
flume que carreja totas penas
Sus la mar l’a d’isclas per leis naufragats
De que van querre aquelei que s’embarcan ?
Au luenh deis autres tostemps quistant
Un mocèu de se, lo mèco belèu
Regachi lo cèu de nuech aquo’s lo grand viradís
Printemps, Estieu, Autona, Ivern
A cada plegas son remèdi
|
||||
5. |
L'Infinitat
05:28
|
|||
L'Infinitat
Au crós dau monde
au relàrg dins lo tranquis
Sensa saupre ren dau defòra au luenh,
es meravelha au dintre
Sota lo cèu l’infinitat ,
Lo gau dins l’agacha d’un dròlle
Entre sapiénçia e coneissança
Sota lo ceu l’infinitat
Es l’endrech onte creisse ton saber
Lo gau dins l’agacha d’un dròlle
Entre sapiénçia e coneissança
Sota lo ceu l’infinitat
Es l’endrech onte creisse ton saber
Terrejairitz coneisses lo monde
Un soleiant reinaume
Es lo solèu à miejanuech ?
ò la luna à miejorn ?
L’as sentida aquesta bofada
Dau relàrg un mau presagi
Terrejairitz coneisses lo monde
Un soleiant reinaume
Terrejairitz coneisses lo monde
au relàrg dins lo tranquis
|
||||
6. |
La Dralha
04:03
|
|||
La Dralha
Benlèu benlèu vendrà la prima
Emai la flor dau mes de mai
Lei jòinei galants la culhisson
Per la portar en seis amors
Farai pas parier per la mieuna
Que vuei lei flors fan la requista
Siam toei dins un mondàs unenc
Que trantalha coma embriagat
Per la mieuna sabi çò que farai
Semenarai un ametlier,
Ò canebouns ò gueringaus
per lo temps lòng per seis enfants
Ara que va sabem lo monde estofa
Leis aucèus pican a la pòrta
Desapareisson lei peis,
Leis abelhas en crebadissa
Podrem pas tornar à l’en-darrier
Li siam, a mand d’un gran malastre
Lo temps s’achavanisse,
Monta la calorassa , monta la mar
Aimi tant lei flors e ma bèla
Pòdi plus faire lo dobtaire
Corre lo temps dau desravilhament
Lo temps de desvirar lo badinàgi
Why some fish are disappearing wonders the fisherman.
Man is a wolf to man, still no love, always in fear.
|
||||
7. |
A L'Esper
04:47
|
|||
A l’Esper
Dins mon barri à l’espèr de mon devenir
Vesi la mar au relàrg de toeis leis
trefons
Vesi lo chaple de l’infortuna
D’aquelei bravei que triman
Eme l’espèr d’una cambiadissa
D’en aut li siam coma gardians de la ciutat
Coma chorma dau monde à l’agacha
Bastion vertadier deis capitadas
Que vendràn segur
Tremolar lo defòra
Siam lo defòra a venir
d’un tremolum au dintre
Siam l’ersa dau relàrg
que monta sus lei rivatges
Siam carrièras embarrioladas
monte bomba un carnavàs
|
||||
8. |
Temperi
04:37
|
|||
Valent valent sus la tornadissa
Meravilhosa planeta
dempuei que lo monde es monde,
en perilh jamai descoratjat,
en dessota leis bombas
s’endralhar o perir (bis)
Un òme camina sus la neu en montanha
A bòn astre li convida encò sieu un pastre
A travèrs mar l’a força gens espérant a l’agacha
A bòn astre un batèu leis embarca
A travèrs lo monde grand
dempuei que marchan leis promiers òmes
a travèrs mar d’una terra a l’autra
s’en van cercar un monde melhor
coma una fòrça au dintre que mena
s’en van esconjurar lo marrit sort
« cu semena la misèria
se recampa lo temperi »
|
||||
9. |
La Muralha
02:40
|
|||
La Muralha
Lo biais de viure dins aquesta passa
lo biais de viure nos condida à
à mantener leis ideias claras, leis ideias fortas, leis ideais
que montan de tot caire per faire muralha
contra leis tirands, leis mestres leis mangea-paureis
Dansas, musicas, vivas,
regachar lo monde donar d’informacions
regachar lo monde
faire part de tot caire, d’inventions novelas per turtar leis gigants, roigat lo sistema,
que nos manten dins l’inhorencia, lo gaudinagi, la divertissença.
Compreni qué, qu’apres una jornada de trabalha, vòs pas ti prendre la testa,
Pau a chapau vas tornar calut dins aquesta monde onte leis trabalhaires se mangean la vida
Virar lo monde dins la conneissança,
amistança entre leis pople,
Conviviença, conviviença, es lo biais, la clau per faire boleguar, roiguat lo sistema
De voia, de gau, basta la maganha !
|
De la Crau Marseille, France
De la Crau défolklorise le provençal pour lui donner sa place dans le courant de la Sono Mondiale, courant musicale fait d'hybridations entre local et global. Ce cheminement amorcé par Sam Karpienia depuis une vingtaine d'années s'exprime aujourd'hui avec ce nouvel EP Temperi ... more
Streaming and Download help
If you like De la Crau, you may also like:
Bandcamp Daily your guide to the world of Bandcamp